طريقة تحضير عصيدة فرينة بيضة (عصيدة عربي )

من الأكلات التّونسية الشهيرة نلقاو العصيدة العربي، إلّي تربط تطييبها بالاحتفال بمولد النبي صلّى الله عليه وسلم قبل ما تولّي من أكلات فطور الصباح، وقبل زادة ما تاخو صبغة جديدة، وتولّي طريقة تقديمها مختلفة باختلاف الجهات التونسيّة ورغم هالإختلاف تبقى الفارينة هي الساس في طريقة تحضير العصيدة العربي

المقادير

• 1/2 لتر ماء
• 1 - سكر
• 150 غرام فارينة
• 1 رشة ملح
• 1 فنجان زيت زيتونة
• 1 - عسل

• طريقة التحضير

  • 1 - حطّ الطنجرة عالغاز وصب فيها الفرينة
  • 2 - زيد الماء للفارينة وحرك
  • 3 - حطّ شوية ملح
  • 4 - كمّل التحريك من غير ما تقصّ لين تولّي العصيدة يابسة
  • 5 - زيد الماء للعصيدة وكمّل التحريك حتّى تولّي ناعمة ومتماسكة
  • 6 - حطّ العصيدة متاعك وهي سخونة في طبق للتّقديم
  • 7 - ما تنساش صحيفة عسل
  • 8 - صّب شويّة زيت زيتونة فوق العصيدة
  • 9 - أعمل رشّة سكر فوق العصيدة
  • 10 - للزينة: تنجّم تحطّ كعبات تمر محشيّة بالفستق

  • نصيحة الشاف

    رغم إلّي وصفة العصيدة العربي ساهلة إلآّ إنها تشدّ اليدين، خاتر وقت تطييبها لازمها ديما التحريك، وبالنسبة للّي يدّها مهينة، المستحسن إنّها تحلّ الفارينة في الماء قبل ما تحطها عالغاز

    وصحّة وبالشفاء