من بين الغلة إلي نستعملوها بشكل يومي تقريبا, نلقاو مادة الطماطم الطازجة, أما زعمة أحنا على دراية كبيرة بالقيمة الصحية والجمالية إلي توفرها كعبة الطماطم.
قبل ما نذكروا فوائد الطماطم, خلينا نتعرفوا كونو المادة هذي غنية بالفيتامينات: «A, E, C», فضلا على عديد المكونات وهي: الليكوبين, الكروم, البيتا كاروتين, الكالسيوم, البوتاسيوم, إلى جانب لونها المستمد مالأشعة الفوق بنفسجية
مكونات تخلي كعبة الطماطم من أهم العناصر الغذائية الصحية, وين تساهم الطماطم وبشكل كبير في حماية البدن من 4 أنواع سرطان: سرطان الثدي, البروستات, المعدة والقولون وهذا يرجع لمادة الليكوبين
من جهة أخرى, واستنادا لدراسات حديثة, فإنو تناول الطماطم بصفة منتظمة يقوي القلب, ويقلل من نسبة الإصابة بجلطة دماغية.
والجدير بالذكر, فإنو تناول الطماطم بقشورها يحافظ على المعدة ويقويها كيما يساهم في عملية الهظم, وهذا بسبب وفرة وكثافة الألياف.
هذا ويلعب تواجد البيتا كاروتين دور كبير باش يخلي الطماطم مصدر لخلق الميلانين.
ومن غير ما ننساو فضل الطماطم في مقاومة أمراض العصر وهوما ارتفاع ضغط الدم والسكري من النوع 2، نتيجة تواجد الفيتامينات: » A, C, E، والكالسيوم، البوتاسيوم، الليكوبين، والكروم «
أمّا مالناحية الجمالية، بسبب وجود الفيتامينات والمكونات إلّي سبق وذكرناها، فإنّو الطماطم توفّر مضادات الأكسدة القوية، وهذا يمكّنها من مقاومة المركبات المسؤولة على الشيخوخة، وتخلّي البدن صغير.
وإذا كنت مالمهوسين بالحفاظ على خفّة ورشاقة بدنك، كثّر من تناول الطماطم إلّي يساهم في الهظم، وتنجّم تعتمدها في حمية غذائية
وبسبب لونها إلّي كيما ذكرنا في السابق، تلعب الطماطم دور كبير في حماية بشرتك من أشعة الشمس، والمنصوح بيه هو تناولها بكثافة في الصيف.
وبسبب لونها إلّي كيما ذكرنا في السابق، تلعب الطماطم دور كبير في حماية بشرتك من أشعة الشمس، والمنصوح بيه هو تناولها بكثافة في الصيف.
وللإشارة فإنّو من خصال الطماطم زادة مكافحة حبّ الشباب.
فوائد كبيرة توفرها مادة الطماطم للبدن, هذاكة علاش, المنصوح بيه هو كثرة استهلاكها كل ما تسمحلك الفرصة, وتنجم زادة تنوع في استعمالها, كيما عصير الطماطم, اعتمادها في السلايط, الكاتشاب, وغيرها
0 تعليقات