كي نقولو سيدي رمضان نقولو التمر

كي نقولو سيدي رمضان... نقولو شهر الصيام والعبادة... نطبقوا السنة ونصائح الكبار كي العادة ومن سنة سيدنا محمد عليه الصلاة والسلام... كعبة تمر تشق بيها الصيام جدودنا تناقلوها مجرّد عادة، أمّا الحكاية كلّها فايدة

التمر ثمرة غنية بالعناصر الغذائيّة
نلقاو المعادن وبرشة فيتامينات وسكريات
ينقصّ مالكولسترول ويحمينا مالجلطات
يقوّي الجهاز العصبي والذاكرة ويحل الشاهية للماكلة
يعالج فقر الدم، ويكافح التهاب المفاصل ويقوي العظم
مفيد للثة واللسان ويحمينا مالسوسة في السنيّن
يكافح الباكتيريا ويقضي على السموم والجراثيم
يعزّز القدرة الجنسيّة، يغذّي الشعر ويحمي من تشققات البدن
يداوي المعدة مالقرحة والالتهابات
مليّن طبيعي يسهل الهضم ويحل مشكل الإمساك
والنصيحة الإخرة إلّي نقدموها هدية وتتمعوا بالكل الفوائد الإيجابية
عدد التمر فردي حسب السنة ووصيّة الرسول وإنشاء رمضانكم مبروك وصيامكم مقبول
كولوا على الريق من 3 ل7 تمرات... موش كان في رمضان حتى في ساير الأيام