عيش السرايا بالتّوست

كي تقول عيش السرايا... تقول الدبارة اللبنانية.. في الفم تذوب ذوبان وفي وبنّتها مشتهية... طبّيق يحضر فيسع وتحلّي بيه العشويّة

المقادير

• 1 باكو خبز توست
• 3 كوبات سكر
• 1 كوب ماء
• 1 مغرفة كبيرة (ملوّن ماكلة (لون البرقدان
• 4 كوبات حليب
• 1 كوب قشطة
• 1 مغرفة كبيرة ماء ورد
• 4 مغارف كبار نشاء
• 100 غرام فستق مرحي
• 100 غرام جوز الهند
• 1/2 كعبة قارص معصورة

• طريقة التحضير

  • 1 - حمّر خبز التوست في الفور بعد ما تنحي الحروف متاعو
  • 2 - حضّر الشّحور في كسارولة: 2 كوبات سكر + ماء + عصير قارص + ملون البرقدان وخليهم يغليو مدة 3 دقائق وهبطهم مالغاز
  • 3 - فتفت التوست في طبق بلاّر وسقيه بالشحور
  • 4 - حطّ في كسارولة اخرى: حليب + قشطة + 2 مغارف كبار سكر + نشاء وأركضهم مليح
  • 5 - حطّ الكسارولة على نار متوسطة وكمّل التحريك
  • 6 - صب الخليط فوق الطبق
  • 7 - حطّ الطبق في الفريجيدار لين يبرد
  • 8 - خلط الفستق بشوية ماء ورد
  • 9 - عيش السرايا حاضر ما بقالك كان تزيّن بالفستق وجوز الهند وصحّة وبالشفاء

  • نصيحة الشاف

    عيش السرايا في منظرها تشبه لبقلاوة الباي أما تتقص مربعات وتنجم تقدمها مع عصير وإلاّ كاس تاي أخضر خفيف