إسكالوب محشي

كل مرا تحب التصنيف، على طاولتها تعمل كيف، تلقاها تفركس عالجديد شتاء وصيف، وباش تكون طاولتك مزيانة وعائلتك بتطييبك فرحانة، خلّي فطورك اليوم إسكالوب محشي باللحم المفروم

المقادير

• 1 رشة فلفل أكحل
• 1 رشة ملح
• 3 فصوص ثوم مهرسين
• 1 كعبة عظم
• 2 مغارف كبار معدنوس مقصوص
• 300 غرام لحم مفروم
• 1 رطل إسكالوب
• 1 رشة تابل وكروية

• طريقة التحضير

  • 1 - فوّح الاسكالوب بالملح + الفلفل الأكحل وخليه على جهة
  • 2 - خلّط اللحم المفروم بـ: الملح + المعدنوس + العظم + الفلفل الأكحل
  • 3 - حلّ طرف الاسكالوب في صحن وحطّ فوقو مغرفة خليط اللحم المفروم
  • 4 - (لف الاسكالوب وشدّو بعود، (عاود العملية لين تكمل الكمية الكل
  • 5 - ادهن طبق الفور بشوية زيت وصفف فيه الاسكالوب
  • 6 - سخّن الفور تحت درجة حرارة 220، وحطّ الطبق من 6 لـ8 دقائق وصحة وبالشفاء

  • نصيحة الشاف

    قبل ما تحضّر الحشو، تنجّم تفوح اللحم المفروم بالملح + الفلفل الأكحل + تابل+ ثوم، وكان تحب زادة تحطّ معاه رشة نعناع شايح، ومن بعد تقلّيه في شوية زيت