شكونهم أغنى وأشهر طباخة في العالم

 لازمك تكون صعيب وقلبك قوي، لازمك تجرّب الحاجات الجديدة في حياتك، وتكون مغامر في كلّ شيء حتّى في أحلامك، الناس الكل تنجّم تتعلم فنّ الطبخ، ولكن الصعيب أنّو يكون لكل واحد لمسة خاصّة بيه إذا ما كانش مبدع في أطباقو 

هذي الحكمة إلّي خلاها الشيف الشهير والطاهي العالمي المميز "جوستو " للأجيال الجديدة مالطباخة  في فيلم ديزني الشهير "خلطبيطة بالصلصة".
حبينا وإلاّ كرهنا، المقولة هذي كانت صحيحة على ارض الواقع، وكي نثبتو في قائمة أفضل طباخة وأغناهم واشهرهم في العالم، نلقاو كلّ شاف عندو ميزة تخليه مختلف على غيرو.

الشيء إلّي دفع موقع "the richest" العالمي ينشر قائمة أغنى الشيفان، إلّي نقدموا لمحة على أبرزهم

الشاف آلان ونج 

وهو الرقم واحد في القائمة، بلغت ثروتو 1.1 مليار دولار، وين حقق الشاف ونج الصيني، الياباني الجنسيّة خبرتو بعد التجارب إلّي عملها في أشهر وأعرق المطاعم اليابانيّة وهاواي. وكيف نقولو الشاف ونج، نحكيو على واحد من مؤسسي مدرسة الطبخ الشهيرة "TO GETHER " و هاواي كويزين المهتمّة بالأطباق المحلية في هاواي.

ومن أهمّ انجازات ونج، تأسيسو لمطعم يحتل اليوم أعلى المراتب العالميَة في قائمة أفضل المطاعم الأمريكية والعالمية كيما فاز الشاف "آلان ونج " في تصنيفات مجلة "سانتي " الشهيرة بجائزة شاف العام  في 2001
 

الشيف جيمي أوليفر

يحتل المرتبة الثانية، بريطاني الجنسية ومعشوق الجماهير، وكيف تقارن الثروة إلّي عندو بعمرو تقول عليه إنّو صغير، وين يكسب "أوليفر" 400 مليون دولار وهو ولد الـ40 سنة.

ثروة حققها بفضل إبداعو في فن الطبخ، حسب المعلومات إلّي نشرتها صحيفة "صنداى تايمز ريتش" الشهيرة.

إلّي يميّز "أوليفر" على بقية الطباخة المشهورين، البعد الانساني إلّي فيه، وين تعرف بفعل الخير ومساعدتو المحتاجين، وأكبر دليل على هذا أنّو قام بإدارة 15 مطعم لتدريب الهواة الفقراء، وعاونهم باش يبرزوا مواهبهم ويوليو مشهورين وغنيين